نسي الفوطة

موضوع: نسي الفوطة الخميس أكتوبر 04, 2007 9:44 pm

]][size=24]وناس واقفه بتتريأ ومبسوطه
وناس تانيه بتستغرب ومنقوطه

*=*=*=*=*=*=*

ليه الدكتور نسي الفوطه
وهو يا عيني كان واقف ووشه أحمر ولا القوطه

و قال ياجــــــــماعه سامحوني
وقبل ما تيـــــــجوا تلوموني

تعالــــــوا أحكيلكوا أنا حكايتي
وبعديها إبقوا حـــــــاكموني

*=*=*=*=*=*=*

سنــــين فــــاتت في ثانــــــويه
كفاح دامي وعــرق ودموع
وبعد المعركـــــــــه الحــــاميه
قدرت أنجح وأجيب مجموع

*=*=*=*=*=*=*

أخيراً حلمنـــــــــــــــــا إتحقق
هخش الطــــــــب وأدّكــــتر
رســـــــــــاله جميله ومعـــاها
مقام عالي وفلوس أكـــــــتر

*=*=*=*=*=*=*

في أول يوم لـــــــــبست جديد
وشلت البالطو رحـت لاقيت
زمايلي إتحــشروا في مــدرج
عامل ولا عــــــلبة الكبريت

*=*=*=*=*=*=*

ولكــن برضه مايئستش
دخل دكتور قعد يشــــــــــرح
كلام كــــان صعب ولاتيني
و أنا متنـــح ومـــش فــــــاهم
لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري
هظبّــــــــط نفسي في العملي
جريت عـ المشـــرحه بسرعه
لكن كالـــــــــعاده خاب أملي
دخلـــــت لاقـــيت 200واحد
بيتخــــــــانقم على الجــــــثه
وناس واقـــــــــفه من الزحمه
على كتافـي ومـــــــش حاسه

*=*=*=*=*=*=*

و لسّه أنا برضه مايئستش
و طبــــــعاً حسّوا بظــــروفنا
وحطّولنا إمتــــــحان فوازيــر
وكل أمّا آجي أحــل ســـــؤال
أقف أدامــــــه زي الــــــزير

*=*=*=*=*=*=*

و لسّه أنا برضه مايئستش
وجينا في لجنة الشـــــــــفوي
وكان أدّامي واد كـوسه
خد الفول مارك مـ الدكتور.
وخد فوقهـــــــم كــمان بوسه

*=*=*=*=*=*=*

و لسّه أنا برضه مايئستش
سنه بتمشــي وســــنه بتيجي
مقـــالـــب بعـــدها مقــــــالب
زمايلي إتعينوا و قبـــــــضوا
و أنا شايـــــل لـــــــقب طالب

*=*=*=*=*=*=*

و لسّه أنا برضه مايئستش
كبـــــــرنا شـــويه وقــــالولنا
خلاص دلوقتي شوفوا حالات
و رحنـــــــا نشوف وكالعاده
دا كله بيطلع إشتــــــــــغالات

*=*=*=*=*=*=*

و لسّه أنا برضه مايئستش
لحد ماخلصم السبــــــــــــعه
وقلت خلاص هروق وهعيش
و قبل ما أفوق من الصــدمه
خدوني عشان أخـــش الجيش

*=*=*=*=*=*=*

و لسّه أنا برضه مايئستش
وقعت هناك في إيــــد ظابط
ظغرلي وقال يا بســــــكوته
أحب أبـشرك إنــــك معــايا
هتطـــــــفح الـــــــــــكوته

*=*=*=*=*=*=*

و لسّه أنا برضه مايئستش
خلااااص السبعه بقوا عشرة
ولسه أنا ماشي جنــب الحيط
و بان السن علــــــــى وشي
و شعري إبيـــّض و إصلعيت

*=*=*=*=*=*=*

و لسّه أنا برضه مايئستش
وبعد ما قـــــلت كــــــــفاره
خلاص هرتاحلى بقى كام يوم
لاقيتهم تـــــــــانــي واخدنّي
عشان تكليـــــــــفي في السلوم

*=*=*=*=*=*=*

و لسّه أنا برضه مايئستش
و قلت هنـــاك هآخد قرشين
آكل منهم و أجيـــــــــب لبسي
فوجئـــــــت يا عيني بمرتب
مايقضــــــنيش حتى شيبسي

*=*=*=*=*=*=*

و لسّه أنا برضه مايئستش
و بعد الـــعمر دا كـــــــــــله
رمــــــوني في وحـــده صحية
نسيت الطب أنا فيـــــــــــها
وبقــــــــيت زي التمــــــرجيه

*=*=*=*=*=*=*

و لسّه أنا برضه مايئستش
و آديني بعيش وهعمل أيـه؟؟
ماليــــــــش ولا حوا ولاقوة
وحيد غلبان وحتى مافـــيش
جـــــواز علـــى نفــــقة الدولة

*=*=*=*=*=*=*

و لسّه أنا برضه مايئستش
قام الدكتور صعب عـ الناس
و فــــــضلم يـــبكوا على حاله
و حتى الفوطة نســــــــيوها
ولموا فلــــــــــوس وسابوهاله
و قال دكتورنا عـ الفوطــــه
تعــــــالوا هشـــــيلها أنا بكرة
لكن اهل المريض قالــــــوا
خلاص
هنسيبها للذكرى[/size]
[/size]][/color][/center]
[/u][/b]

موضوع: رد: نسي الفوطة الجمعة أكتوبر 05, 2007 3:36 am

دى بقى تريقه علينا يا دكتور وانته من نفس الوسط الطبى لكن جميله بجد وانا عمرى ما نسيت فوطه فى بطن واحده ابدا

موضوع: رد: نسي الفوطة الجمعة أكتوبر 05, 2007 6:00 am

اعتقد بعموم البلاء ف مختلف القطاعات ..ليس الطب فحسب ... لكن عندما توجد ف الطب فالكارثة أكبر..
جزاك الله خيرا يا دكتووور وارجوووك تخلى بالك من الفوطة

موضوع: رد: نسي الفوطة الجمعة أكتوبر 05, 2007 8:23 am

جزاكى الله خيرا دكتوره هبه واخت ماريان وان شاء الله انا برضك هخلى بالى من الفوطه

وربنا يصلح حالنا وحال المسلمين

موضوع: رد: نسي الفوطة الجمعة أكتوبر 05, 2007 7:27 pm

ارى ان يد الاهمال طالت كل شىء وليس الطب فحسب .... فاصبح فى كل ميادين الحياة حتى التعليم الذى هو اساس كل تعليم فى الحياة اصبح فاسد ..تحركة وتتحكم فية الرأسمالية ..ومن يدفع اكتر يتعلم احسن واشك انة قريبا سوف يلغو مجانية التعليم ليزذاد المجتمع سوءا على سوءا
اللهم احفظنا وقوينا ان نتقيك فى مواقعنا عسى ان يقلدنا الاخر ويتغير المجتمع شيئا فشيئا فتغيرة نابع من تصرفات الاشخاص

موضوع: رد: نسي الفوطة السبت أكتوبر 06, 2007 2:04 am

نعم كل هدا من اعراض مرض البعد عن الله فاللهم ارزقنا الاخلاص فى القول والعمل